දයාධික මනස්ථාපය
මාගේ දෙවියනි මා ඔබ වහන්සේට අනදර කල නිසා බොහෝ සේ වික්ෂෝප වෙමි. මාගේ පාප වලින් මා සදාකාල නිරගින්නට හිමි වූ හෙහින්ද මාගේ දයාබර ජේසුස් ක්‍රිස්තු ස්වාමි දරුවන් කුරුසියේ ඇණ ගැසූ හෙයින්ද විශේෂ කොට සර්වදයා යහපත්කම් ඇත්තාවූ ඔබට අනදරකළ හෙයින්ද සියලු දේට වඩා මම ඒවාට වෛර කරමි. මා කළ පාපවලට මාගේ මුළු හෘදයෙන් ක්ෂමාව ඉල්ලමි. ඔබ වහන්සේගේ පිහිටෙන් මින්මතු පව් නොකර සිටින්නටත් පව් ප්‍රස්ථා වලින් වැලකි සිටින්නටත් ඒකාන්තයෙන් පොරොන්දු වෙමි. ආමෙන්….
විශ්වාස ලක්ෂණය
අහස පොලොව මැවූ සියලු බලැති දෙවි පියාණන් කෙරෙහිද, උන්වහන්සේගේ එකම පුත්‍ර වූ අපගේ ස්වාමින් වන ජේසුස් ක්‍රිස්තුන් කෙරෙහිද විශ්වාස කරමි. උන්වහන්සේ ශුද්ධාත්මයාණන්ගේ ආනුභාවයෙන් ගැබබැස කන්‍යා මරියාවන්ගෙන් උපන් සේක. පොන්සියෝ පිලාත් යටතේ වද විද කුරුසියේ ඇණ ගැසුම් කා උකුත් වී තැන්පත් කරනු ලැබූ සේක. පාතාලයට බැස තුන්වැනිදා මළවුන් කෙරෙන් නැගිට වදාරා, ස්වර්ගයට නැගී, සියලු බලැති දෙවිපියාණන්ගේ දකුණු පසෙහි වැඩ සිටින සේක. එහි සිට ජිවතුන්ද, මළවුන්ද විනිශ්චය කරන්නට නැවත වඩින සේක. ශුද්ධාත්මයාණන් කෙරෙහිද, ශුද්ධවූ කතෝලික සභාව කෙරෙහිද, සාන්තුවරයන්ගේ සහභාගිත්වය කෙරෙහිද, පාප ක්ෂමාව කෙරෙහිද, මළවුන්ගේ නැවත නැගිටීම කෙරෙහිද, මතු පැමිණෙන සදා ජීවිතය කෙරෙහිද, විශ්වාස කරමි. ආමෙන්
ස්වර්ගයෙහි වැඩසිටින
ස්වර්ගයෙහි වැඩසිටින අපගේ පියාණෙනි ඔබගේ ශ්‍රී නාමයට ප්‍රශංසා වේවා. ඔබවහන්සේගේ රාජ්‍යය පැමිණේවා. ඔබවහන්සේගේ කැමැත්ත ස්වර්ගයෙහි මෙන් මෙලොවෙහිද ඉටුවේවා. අපගේ එදිනෙදා භෝජනය අද අපට දානය කල මැනව. අපට වරද කරන අයගේ වැරදි අප කමා කරන්නාක් මෙන් අපගේ වැරදිද අපට කමා කල මැනව. පාප අවස්ථා වලට අසුවීමට අපට ඉඩ නොදී, අයහපතින් අප මුදා ගත මැනව. ආමෙන්
පිතාවන දෙවියන්ගේ කුමාරි වූ පිරිසිදු දේව මාතාවෙනි අප දේව විශ්වාසයේ දියුණු වන ලෙස ඔබගේ ශ්‍රී කුමාරයා ඉදිරියෙහි යාච්ඤා කළ මැනව
නමෝ මරියනි, ප්‍රිය ප්‍රසාද පුර්ණවන්තියනී, ස්වාමින් වහන්සේ ඔබ කෙරෙහිය, ස්ත්‍රීන් අතුරින් ආශීර්වාද ලද්දී ඔබ වහන්සේය, ඔබගේ ශ්‍රී කුසෙහි පළවන් ජේසුස් ආශීර්වාද ලද්දාවුමය. සාන්ත මෑණියනි, දේව මෑණියනි පාපිවූ අප උදෙසා දැනුත් අපේ මරණ වෙලේදීත් යාච්ඤා කළ මැනව. ආමෙන්.
පුත්‍රවන දෙවියන්ගේ මාතා වූ පිරිසිදු මරියනි, අප දේව ඇදහීමෙහි දියුණු වන ලෙස, ඔබගේ ශ්‍රී කුමාරයා ඉදිරියෙහි යාච්ඤා කළ මැනව.
නමෝ මරියනි…
ස්ප්‍රිතු සාන්තු වන දෙවියන්ගේ ප්‍රිය කාන්තාව වූ දේව මාතවෙනි, අප දේව ප්‍රේමයෙහි දියුණුවන ලෙස ඔබගේ ශ්‍රී කුමාරයා ඉදිරියෙහි යාච්ඤා කළ මැනව.
නමෝ මරියනි…
ත්‍රිත්වික ස්ත්‍රෝත්‍රය
පිතා, පුත්‍ර, ස්ප්‍රීතුසාන්තු නම් ත්‍රීත්වීක ඒක දේවොත්තමයාණන්ට ස්තෝත්‍ර වේවා. ආදී වූවාක් මෙන් දැනුත් නිතිපතාත් අනන්ත කාලයෙහිත් වේවා. ආමෙන්.
සොම්නස් භාවනාව ( සදුදා , බ්‍රහස්පතින්දා හා ආගමන කාලයේ ඉරුදිනවල සිහිකළ යුතුය)
1. අභිරහස
කුමාරි මරියාවන්ට මංගලම් කීම
යාච්ඤා කරම්හ
ආනන්ද බර මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුසයෙහි දේව පුත්‍රයා පිළිසිදුන සොම්නස් කම්පාවූ විභාගයට මේ දශාරාධනා පන්තිය හේතු කොටගෙන, අපේ සිත්වල දේව භක්තිය උපදින්ට වරම් ලබා දෙනවා සොදේ.
ස්වර්ගයහි වැඩසිටින 1 නමෝ මරියනි 10 ත්‍රිත්වික ස්ත්‍රෝත්‍රය 1 ( සෑම ජපමාල පන්තියක් අවසානයේම කියන්න )
අහෝ මාගේ ජේසුනි, අපේ පාප වලට සමාව දුන මැනව. නිරාගින්නෙන් අප ගලවා ගත මැනව. සියලු ආත්මයන්ටද විශේෂකොට ඔබගේ දයාව ඉතා උවමනා ආත්මයන්ද ස්වර්ග රාජ්‍යයට ගෙන්වා ගත මැනව..
2. අභිරහස
එලිසබෙත්තුමිය බැහැ දැකීමට යාම
යාච්ඤා කරම්හ
ආනන්ද බර මාතාවූ පිරිසිදු කන්‍යා බිසෝවෙනි! ඔබවහන්සේගේ බන්ධුවන් වූ ඉසබෙල් තුමී ගර්භණීයවූ බව බලන්නට ගොස් මංගලම් අසා සොම්නස් කම්පාවූ විභාගයට මේ දශාරාධනා පන්තිය හේතු කොටගෙන, අපටත් ඔවුනොවුන්ට සහෝදරයන්සේ දයාකොට පවතින්නට වරම් ලබා දෙනවා සොදේ.
3. අභිරහස
ජේසු තුමා බෙත්ලෙහෙමේ ඉපදීම
යාච්ඤා කරම්හ
ආනන්ද බර මාතාවූ පිරිසිදු කන්‍යා බිසෝවෙනි! ඔබගේ කුසයෙන් දිළිදු බැවින් බිහිවූ දේවකුමාරයාණන් දැක සොම්නස් කම්පා වූ විභාගයට මේ දශාරාධනා පන්තිය හේතු කොටගෙන අපටත් දිළිදු බැවින් සතුටුව දවස් අරින්ට වරම් ලබා දෙනවා සොදේ.
4. අභිරහස
ජේසුතුමාණන් දේව මාලිගාවේ ඔප්පු කිරීම
යාච්ඤා කරම්හ
ආනන්ද බර මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා උපන් සතලිස් වන දින දේවස්ථානය දක්වන්ට වඩවාගෙන ගිය තැන උන්වහන්සේගේ දේව මහිමය ප්‍රසිද්ධ වූ බව දැක සොම්නස් කම්පාවූ විභාගයට මේ දශාරාධනා පන්තිය හේතු කොටගෙන, අපේ ආත්ම දේව දර්ශනයට ඔප්පුවෙන සැටියට වරම් ලබා දෙනවා සොදේ.
5 අභිරහස
ජේසුතුමා දේවමන්දිරයේ දින තුනකට පසු නැවත හමුවීම
යාච්ඤා කරම්හ
ආනන්ද බර මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා දොළොස් වයසේදී තුන් දවසක් කොයි දෝවුකල සොයා දැක සොම්නස් කම්පාවූ විභාගයට මේ දශාරාධනා පන්තිය හේතු කොටගෙන, අපේ පාප වලින් අපට දේව දර්ශනය මුලාසි නොවන සැටියට වරම් ලබා දෙනවා සොදේ.
දොම්නස් භාවනා ( අගහරුවාදා සහ සිකුරාදා දිනවලත් චතාරික කාලයේ ඉරුදිනවලත් සිහිකළ යුතුය )
1. අභිරහස
මල් උයනේ යාච්ඤාව
යාච්ඤා කරම්හ
වික්ෂෝප මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා මල් උයනේදී මරණාසන්න දුකින් පිතාවන දෙවියන්ට යාච්ඤා කළ විභාගයට මේ දශාරාධනා පන්තිය හේතු කොටගෙන, අපේ අපහසුවෙලෙහි අප කරන යාච්ඤාවල් දෙවියන්ට ඔප්පු වෙන සැටියට වරම් ලබා දෙනවා සොදේ.
2. අභිරහස
ගල්කනුවේ බැදුම්කා කස පහර විදීම
යාච්ඤා කරම්හ
වික්ෂෝප මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා ගල්කණුවේ බැදුම්කා කස පහරවල් වින්ද විභාගයට මේ දශාරාධනා පන්තිය හේතු කොටගෙන, අපේ පව්වලින් අපට අච්චු සුභ සිතින් ඉවසන්ට වරම් ලබා දෙනවා සොදේ.
3. අභිරහස
කටු ඔටුන්න පැළදවීම
යාච්ඤා කරම්හ
වික්ෂෝප මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා කටුඔටුන්නක් දරා නින්දා පරුෂවල් ඉවසූ විභාගයට මේ දශාරාධනා පන්තිය හේතු කොටගෙන, අපටත් ලෝක මාන්න තාන්න වලට ආශා නොවන සැටියට වරම් ලබා දෙනවා සොදේ.
4. අභිරහස
කුරුසය කරතබා කපාල කන්දට නැගීම
යාච්ඤා කරම්හ
වික්ෂෝප මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා බරවූ කුරුසේ උසුලාගෙන කපාල කන්දට වඩින්නා දැක දුක්වූ විභාගයට මේ දශාරාධනා පන්තිය හේතු කොටගෙන, අපේ පව් බරෙන් අපට යොදෙන කොයියම් දුකක් උසුලන්නට වරම් ලබා දෙනවා සොදේ.
5. අභිරහස
කුරුසයේ ඇණගැසුම්කා උකුත් වීම
යාච්ඤා කරම්හ
වික්ෂෝප මාතාවූ පිරිසිදු කන්‍යා බිසෝවෙනි! ඔබගේ ශ්‍රී කුමාරයා කුරුසේ වද විද උකුත්වුණා දැක දුක්වූ විභාගයට මේ දශාරාධනා පන්තිය හේතු කොටගෙන, අපටත් ලෝක සැපතට මළවුන්සේ කල්යවනා සැටියට වරම් ලබා දෙනවා සොදේ.
ජයග්‍රාහික භාවනාව ( ඉරුදිනවලත්, බදාදා දිනවලත්, සෙනසුරාදා දිනවලත් සිදුකළ යුතුය )
1. අභිරහස
ජේසුතුමා මළවුන්ගෙන් උත්ථාන වීම
යාච්ඤා කරම්හ
මෝක්ෂම්පන්න මාතාවූ පිරිසිදු කන්‍යා බිසොවෙනි! ඔබගේ ශ්‍රී කුමාරයා මළවුන් කෙරෙන් උත්ථානකර වදාළ දැක සන්තෝෂවූ විභාගයට මේ දශරාධනා පන්තිය හේතු කොට ගෙන අපටත් පාප නමැති මරණයෙන් නැගී සිටින්ට වරම් ලබා දෙනවා සොදේ.
2. අභිරහස
ජේසුතුමා ස්වර්ගයට වැඩම කිරීම
යාච්ඤා කරම්හ
මෝක්ෂම්පන්න මාතාවූ පිරිසිදු කන්‍යා බිසොවෙනි! ඔබගේ ශ්‍රී කුමාරයා පරලොවට වඩින්නා දැක සන්තෝෂවූ විභාගයට මේ දශරාධනා පන්තිය හේතු කොට ගෙන අපටත් පරලෝක මාර්ග අත්නොහැර පවතින්ට වරම් ලබා දෙනවා සොදේ.
3. අභිරහස
ශුද්ධාත්මයාණන් වහන්සේ ගෝලයින් වෙත වැඩම කිරීම
යාච්ඤා කරම්හ
මෝක්ෂම්පන්න මාතාවූ පිරිසිදු කන්‍යා බිසොවෙනි! ඔබවහන්සේ වෙතෙහි හා ගෝලයන් වෙතත් ස්ප්‍රිතු සාන්තු වැඩිය කල සන්තෝෂවූ විභාගයට මේ දශරාධනා පන්තිය හේතු කොට ගෙන, අපටත් ස්ප්‍රිතු සාන්තු ප්‍රසාදවල් ලබා දෙනවා සොදේ.
4. අභිරහස
දේවමාතාවන් ආත්ම ශරීර පිටින් ස්වර්ගයට රැගෙන යාම
යාච්ඤා කරම්හ
මෝක්ෂම්පන්න මාතාවූ පිරිසිදු කන්‍යා බිසොවෙනි! ඔබවහන්සේ ප්‍රාණ ශරීර පිටින් පරලොවට වඩිනකළ සන්තෝෂවූ විභාගයට මේ දශරාධනා පන්තිය හේතු කොට ගෙන, අපටත් නඩු තීන්දු දිනේදී මොක්ප්‍රභා ශරීර පිටින් පරලොවට යන්ට වරම් ලබා දෙනවා සොදේ.
5. අභිරහස
දේවමාතාවන්ට ස්වර්ගයේදී ඔටුනු පැළදවීම
යාච්ඤා කරම්හ
මෝක්ෂම්පන්න මාතාවූ පිරිසිදු කන්‍යා බිසොවෙනි! ඔබට දිව්‍ය රාජ්‍යයේදී රාජ්‍ය ඔටුනු ලැබුණුකල සන්තෝෂවූ විභාගයට මේ දශරාධනා පන්තිය හේතු කොට ගෙන, අපටත් අන්තිමේදී මෝක්ෂ ඔටුනු ලබා දෙනවා සොදේ.
මංගල්‍ය ආරාධනාව
මංගල්‍යස්තු රාජේස්වරියනි, ක්‍රපදයා මාතාවෙනි. අපේ ජීවිතයෙනි, අපේ අමෘතයෙනි, අපේ ආධාරයෙනි, මංගල්‍යස්තු; පරදේසවාසි වූ අපි ඒවා අම්මාගේ පුත්‍රයෝ ඔබටම අඩ ගසම්හ. මේ කඳුළු විලෙහි අඩා වැලපී ඔබටම සුසුලම්හ. එසේ හෙයින් අපගේ මධ්‍යස්තයෙනි මේ ඔබගේ දයාබර නේත්‍රවල් අප දෙස යමු කල මැනව. තවද පරදේශය පසුවූ ඉක්බිති ඔබගේ ශ්‍රී කුසෙහි ආශිර්වාදලත් ඵලවන් ජේසුතුමන්ගේ දර්ශනය අපට ලබා දුන මැනව. දයාවන්තියනි, පරදුඃකිතිනි, මධුරවූ නිත්‍ය කන්‍ය මරියනි, සාන්තවූ දේව මෑණියනි. ක්‍රිස්තු වාක්දාත වලට අප හේතු වන්තයන් වන පිණිස කන්‍ය ශුද්ධවූ දේව මාතාවෙනි අප නිසා යාච්ඤා කළ මැනව.
මරියතුමියගේ නිර්මල හෘදයට කැපවීමේ යාච්ඤාව
මරියතුමියගේ නිර්මල හෘදයෙනි, පව්කාරයන්ගේ සරණයෙනි, ඔබතුමිය විශේෂාකාරයෙන් අපගේ මාතාවන් හා රාජිනියද බව සිහි කල මැනව. අප ජිවිත කාලයේදීද, මරණ මොහොතෙහිදී හා මරණයෙන් පසුද නැවත නැවතත් මුළු හෘදයෙන් ඔබතුමියට කැපවෙමු. අතී ආදරවන්ත මෑණියනි, අපගේ පුජක පැවදිවුවන්ද ආශිර්වාද කළමැනව. අපගේ පවුල් ආරක්ෂා කළමැනව, අපගේ දරුවන් රැකබලා ගත මැනව. ජේසුතුමන්ගේ මාතාවන්වූ මරියනි, අපටද ඔබ නිරතුරු මවක් වුවමැනව. ආමෙන්
දේවමාතා ප්‍රාර්ථනාව
ස්වාමිනි කරුණා කළ මැනව
ක්‍රිස්තුනි කරුණා කළ මැනව
ස්වාමිනි කරුණා කළ මැනව
ක්‍රිස්තුනි අපේ ප්‍රාර්ථනා අසා වදාළ මැනව
ක්‍රිස්තුනි අපේ ප්‍රාර්ථනා ගිවිස වදාළ මැනව
පරමණ්ඩලවල වැඩ ඉදින පිතාවන දෙවියනි
අපට දයා කළ මැනව
ලෝකය නිදහස් කළාවූ පුත්‍රවන දෙවියනි
ස්ප්‍රිතු සාන්තුවන දෙවියනි
සුපරිශුධ ත්‍රිත්වයවූ ඒක දෙවියනි
ශුද්ධවූ මරියනි
අප නිසා යාච්ඤා කළ මැනව
ශුද්ධවූ දේවමෑණියනි
කන්‍යාති කන්‍යාවෙනි
ක්‍රිස්තොත්තමගේ මාතාවෙනි
දේව ප්‍රසාද මාතාවෙනි
අති සුවිශුද්ධවූ මාතාවෙනි
අති වෘථවූ මාතාවෙනි
කන්‍යාවෘත අභින්නවූ මාතාවෙනි
කන්‍යාශුද්ධ අනුනවූ මාතාවෙනි
ප්‍රේමනීයවූ මාතාවෙනි
ආශ්චර්යය යුක්තවූ මාතාවෙනි
යහපත් අනුශාසනා දායකවූ මාතාවෙනි
ශ්‍රේෂ්ධී ඇදුරාගේ මාතාවෙනි
රක්ෂාධිකාරහුගේ මාතාවෙනි
විසාරද බුධ්‍යාග්‍රවූ කන්‍යාවෙනි
වන්දනීයවූ කන්‍යාවෙනි
ප්‍රශංගනීයවූ කන්‍යාවෙනි
ශක්තිධාරීවූ කන්‍යාවෙනි
දයාබරිතවූ කන්‍යාවෙනි
විශ්වාසපක්ෂවූ කන්‍යාවෙනි
ධර්මනීති දර්පනෙනි
පරමඥාන ආසනෙනි
අපේ ආනන්ද කාරණාවෙනි
ඥාන පාත්‍රනි
අග්‍රාචාර යුක්තවූ පාත්‍රනි
අනර්ගවූ භක්ති පාත්‍රනි
දිව්‍ය අභිරහස් විෂයක පද්මයෙනි
දාවිත් රාජේන්ද්‍ර කිලෙනි
දැන්තමය ගෝපුරෙනි
ස්වර්ණමය මන්දිරෙනි
වාක්ප්‍රසාද ගැබයෙනි
පරමණ්ඩල වාසලෙනි
උදය තාරකාවෙනි
රෝගීන්ගේ ආරෝග්‍යයෙනි
පව්කාරයින්ගේ අඩක්කලමෙනි
වික්ෂිප්තයින්ගේ සැනසීමෙනි
ක්‍රිස්තියානින්ගේ පිහිටෙනි
සුරතාවයින්ගේ රාජේශ්වරියනි
ආදිපිතුරුවන්ගේ රාජේශ්වරියනි
දිවස්ප්‍රසාදින්ගේ රාජේශ්වරියනි
වේද සාක්ෂිවරයන්ගේ රාජේශ්වරියනි
අපෝස්තුලුවරයන්ගේ රාජේශ්වරියනි
වන්දනාවාදීන්ගේ රාජේශ්වරියනි
කන්‍යාවන්ගේ රාජේශ්වරියනි
සමස්ත ශුද්ධවන්තයන්ගේ රාජේශ්වරියනි
ජම්ම දෝෂරහිතව පිළිසිදුනාවූ රාජේශ්වරියනි
ස්වර්ගාරෝපිත රාජේශ්වරියනි
ශුද්ධවූ ජපමාල රාජේශ්වරියනි
සමාදානයේ රාජේශ්වරියනි
ලෝක පාපවල් හරින දේවාජබාලක වූ ජේසුනි
අපට ක්ෂමාකළ මැනව ස්වාමි.
ලෝක පාපවල් හරින දේවාජබාලක වූ ජේසුනි
අපේ ප්‍රර්ථනා අසා වදාළ මැනව ස්වාමි.
ලෝක පාපවල් හරින දේවාජබාලක වූ ජේසුනි
අපට දයාකළ මැනව ස්වාමි.
ක්‍රිස්තු තුමන්ගේ වාක්දාතවලට අප හේතුවන්ත වන ලෙස
කන්‍යා ශුද්ධවූ දේව මාතාවෙනි, අප නිසා යාච්ඤා කළ මැනව
යාච්ඤා කරම්හ
සර්වබලධාරී වූ අනාදි අනන්තවූ දෙවියනි, මෝක්ෂම්පන්න මාතාවන කන්‍යාමරියතුමියගේ ගත හා ප්‍රාණය ඔබගේ ශ්‍රී කුමාරයාට ඔබින වාසස්ථානය වන ලෙස ස්ප්‍රිතු සාන්තු වරමින් හේතු යුක්තකරදී වදාළවේද, අප සතුටුව සිහි කරන ඕතුමියගේ දයාබර යාච්ඤාව බලා අපට යෙදෙන්නාවූ නපුරු වලින් හා අනවර්ත මරණයෙන් ගැලවීම සැලසුව මැනව.
මේකීදේ අපේ ස්වාමිවූ ජේසුස් ක්‍රිස්තු උදෙසාම ලැබේවා. ආමෙන්
Read Bible In Sinhala 
දෙවියන් වහන්සේ කෙරෙහි තවත් ලං වන්නට ….. දේව කරැණාව පාමුල යදින්නට …..
amen
Appreciate the effort. Such a valuable website. Better if your could update rosary prayers with the Mysteries of light